Twitter бон-тон

Можеби многумина ќе речат дека можеби и не сум некој си „влијателен“ твитерџија за да солам памет за некаков си twitter бон-тон, или за тоа како треба да твитате. Сепак јас сум таков тип на човек кој брзо ги учи правилата на игра и кој што може многу информации да прочита меѓу редови.

Ова се непишаните правила кои јас ги научив на твитер, а кои верувам многумина од вас ги знаат, а останатите можеби само ги имаат заборавено.
А за тазе твитерџиите се надевам дека ова ќе биде добра почетна точка.

• Ретвит со коментар - Знам дека е замарање рачно да го копирате текстот, па пишувате коментар и слично, меѓутоа затоа постојат твитер клиенти кои ви даваат опција да го направите тоа (на пример: официјалната твитер андроид апликација)
• Твитер не е чат - најнормално е да му реплицирате на некој доколку се согласувате со некое мислење или доколку не се согласувате, секогаш е добро кога се развива конструктивна дискусија. Она што не чини е „@cuci ај на кафе“ „@maci важи маци, каде?“ „@cuci на ленинова, дали @sanji сака да ни се придружи“
• Форсквернавење на твитер - нема поглупаво нешто од тоа да направиш твитер и само да споделуваш чекирања од foursquare. Ако сакам да знам кај си, ќе те следам на foursquare.
• Facebook статуси - Исто толку лошо е (а многу компании кои сакаат да се присутни на твитер го прават тоа) автоматски да споделуваш статуси од facebook (кои најчесто не се прикажуваат целосно). Општо познато е дека истата содржина не се споделува на ист начин на facebook и на twitter. или твитајте правилно или воопшто не твитајте.
• #FollowFriday - или #FF е начин да покажете почит за твитерџиите кои ви значат и кои твитале извонредно добро изминатата недела. Мое лично мислење (а и на дел од твитерџиите) е дека повеќе значи ретвит отколку фф. Доколку сепак сакате да правите фф еве неколку работи на кои треба да посветите внимание:
• Ако направите #FF проследено со еден куп имиња, ретко кој ќе се потруди да го прочита, освен луѓето споменати во тој твит.
• Доколку вие се најдите во ваков твит и сакате да се заблагодарите, можете да направите reply.
• Меѓутоа нема никаква смисла да направите #FF back со reply, затоа што тој твит ќе го прочитаат само вашите заеднички следбеници, а нели основната цел на фф е да добиете нови следбеници.
• Подобро би било да направите #FF со најмногу 2-3 луѓе и притоа да ја наведите причината поради која сметате дека се посебни.
• Исто така не мора да го правите ова само во петок, јас неколку пати имам правено #SF saturday or sunday follow, затоа што #FF is too mainstream :P

Сигурен сум дека поискусните твитераши од мене ќе споделат уште по некој корисен совет во коментарите ;)

П.С. Задолжително да го прочитате стрипот на Oatmeal за #FF